Vurdering av nettstad

I leksjonen om design får ein nyttig informasjon om ulike moment ei nettside kan innehalde. Desse momenta kan ein også ta i bruk for å kunne vurdere nettstadar og det er det eg kjem til å gjere i dette innlegget. Eg har valt å ta føre meg nettstaden NRK super som er ei nettside for barn. Her vil eg sjå på moment som tittel, nøkkelord, kontrast og fargar.


Tittelen NRK Super.no er lett å finne fram til. Den har nettadressa nrksuper.no og er meiningsbærande i den forstand at den heiter det same på nettet som på tv kanalane. Nøkkelorda er plasserte oppe og er lettleslege og oversiktelige. Dei er delt inn i seks hovudkategoriar og er plasserte i frå venstre mot høgre. Under denne rada har ein også plassert ti nøkkelord til som eg oppfattar som litt mindre viktige. Det er også blitt tatt i bruk konktrastfargar som til dømes svart skrift mot kvit bakgrunn eller lyse - blå bakgrunn med fargerike nøkkelord. Stor skrift mot liten er også å finne, noko som gjer det lett å merke seg overskriftene. Nøkkelorda har også ulike fargebokser som kan vere med på forsterke identiteten til det aktuelle emnet. Det fungerar også godt til å skille mellom dei ulike emna. Nettstaden er også barnevenneleg med tanke på at det er blitt tatt i bruk ein del fargar og bilete av figurar.

Lydproduksjon

På samlinga om lydproduksjon lærte me om podcast som medieform. Her blei eg meir bevisste på kor viktig oppbygging av ei historie er og kor viktig verdi lyd som verkemiddel kan ha når ein lyttar eller lagar ein podcast. Etter denne samlinga fekk eg og gruppa mange gode idear på korleis me kunne jobbe vidare med arbeidskrav 1.

DKL 104 podcast: Denne koblinga viser ein link til podcasten som eg og gruppa har laga. Podcasten er ei lydfil til DKL studentar og lærarar på ungdomskulen. Vi prøver å kome med tre konkrete og ulike tips på korleis facebook kan vere med på å betre mediedanninga til ungdommar på ungdomskulen.

Det å lage ei samanhengande lydfil i gruppe er svært krevande, men lærerikt. Under denne prosessen forstod me blant anna kor viktig det er å ha ein god ide og eit detaljert manus tilgjengeleg. Det å samkjøre dei ulike episodene var noko som me såg på som utfordrande. Me blei difor etterkvart oppmerksomme på kor sentralt det er å ha problemstilling og produktmålet klart for å kunne få til dette.

 





 

Avisproduksjon

I leksjonen om avisproduksjon har eg jobba med sjangrane nyheits -og feutureartikkel og i arbeidskrav oppgåva om nettavis fekk me i oppgåve å skrive ein av desse to sjangrane. Sjølv om eg las meg godt opp på desse to sjangrane og skreiv stikkord som kjenneteikna desse så hadde eg likevel problem med dette. Eg prøvde meg på artiklane "en smakebit på den digitale verden" og "engelsk (som underholdningsspråk) - nøkkelen til den globaliserte verden" som er publisert på denne internettsida; DKL- posten. 

Eg vil difor i dette innlegget skrive kort og konkret kva ein nyheits - og feutureartikkel skal innehalde. Eg vil også prøve å knytte dette litt opp mot mine artiklar. 

Ein nyheitsartikkel har ei kort overskrift der hovudpoenget blir presentert. Ingressen skal så gje ei kort oppsummering av innhaldet. Setningane skal vere i presens og kortfatta. Ein slik artikkel handlar også om noko som nettopp har skjedd eller vil skje. Det viktigaste kjem først og det minst viktige til slutt. Dette blir også kalla den omvendte pyramida.

I artikkelen "engelsk (som underholdningsspråk) - nøkkelen til den globaliserte verden". Prøvde eg å tenke over desse momenta som nemt i avsnittet ovanfor. Eg hadde ei kortfatta overskrift, og prøvde å skrive ein artikkel etter den omvendte pyramida.

Ein featureartikkel har ein meir personleg preg. Journalisten er ofte til stade der det skjer og informerer om eit emne. Den kan appelere til kjensler og fortel ei historie til lesaren. Eit featurebilete fortel ikkje det same som teksta og har meir enn to bilete i teksta.

I artikkelen "en smakebit på den digitale verden" prøvde eg nettopp å ha fokus på dette, sjølv om tilbakemeldingane på arbeidet mitt ikkje var like gode. Eg prøvde å ha fokus på å appellere til lesaren når eg tok bilete av barnet. I ettertid ser eg at artikkelen min kanskje ikkje var så personleg. Eg skreiv på ein objektiv måte og var ikkje direkte til stade. 
 

Kommentarar

Desse innlegga har eg kommentert.

Tankeverktøy - Oline
Sosial web - Kamilla
IKT og tilpassa opplæring - Mariann
Barn og unge sin digitale kvardag - Margit
Samansette tekstar - Oline
Informasjonskompetanse - Kamilla

Informasjonskompetanse

I dette innlegget vil eg sjå nærare på omgrepet informajsonskompetanse og kva ein kan gjere for å forbetre eleven si kompetanse omkring dette.

Informasjonskompetanse er i følgje «store norske leksikon» «en samling av ferdigheter som gjør en person i stand til å identifisere når informasjon er nødvendig, og som setter vedkommende i stand til å lokalisere, vurdere og effektivt anvende denne informasjonen. (SNL,2011)»

Mi erfaring i forhold til dette omgrepet er at elevane er dyktige til å handtere datamaskina som digitalt verktøy i teknisk forstand. Vidare har eg opplevd store manglar når det kjem til å vurdere informasjonen og korleis dei skal anvende den på ein tenleg måte. Etter å ha observert dette har eg difor prøvd å betre dette ved å gjere elevane bevisste på dette. 

For å kunne forbetre dette må me som lærarar først betre vår kompetanse til å kunne styrke deira sin informasjonskompetanse. Me må hjelpe elevane med å bruke rett søkeverktøy, effektive søkestrategiar og kunne vurdere kjeldene kritisk. Ein må legge til rette for læringsarenaer der elevane sjølv blir produsentar. Det kan ein til dømes gjere ved å la dei produsere konkrete tekster og vurdere kvarandre.

Læraren må altså få ei større rolle og elevane må i mindre grad bli overlete til seg sjølve. 

___________________________________________________

Store norske leksikon (2011) Henta den 12.04.2012 frå http://snl.no/informasjonskompetanse 

Samansette tekstar

Animasjonsfilm - "Da bjøren ble stubbrumpet"

Under den andre samlinga i DKL 102 fekk vi i oppgåve å lage ein animasjonsfilm.  Dette var ei svært utfordrande oppgåve sidan ingen på gruppa hadde vore bort i dette før. Animasjonsfilmen vår blei laga i Windows movie maker.

Vi starta først med å utarbeide eit målark, filmmanuskript og dreiebok.  Manuset hadde me allereie klar føre oss, sidan me valte eventyret "da bjørnen ble stubbrumpet."


Utstyrer som blei brukt var:

- Spegelreflekskamera
- Headsett med mikrofon
- Windows Movie Maker 
- Plastelina, leikefigurar og papir

Vi fordelte arbeidet slik at to konsentrerte seg om biletetakinga og dei to andre om redigeringsarbeidet. Bilete blei så lagt inn i Windows moviemaker. Der måtte me endre på rekkefølga, legge til tekst og bakgrunnsmusikk. Lydane blei så lagt inn i lydredigeringsprogramet Audacity og til slutt inn på Windows movie maker. 


Det ferdige resultatet blei vi dessverre ikkje heilt fornøgd med. Dette fordi vi i redigeringsprogrammet ikkje fekk til å endre hastigheita per bilete. Samstundes så ville det vere lettare å få fram dei tydelige bevegelsane dersom me hadde brukt plastelinafigurar, sidan dei er lettare å bevege på framfor figurane som blei brukt her. Tross dette så sit me likevel igjen med mykje meir kompetanse enn det me gjorde før me starta. Me forstod kvar feilen låg og kva som måtte til for å betre det til neste gong. Me blei med andre ord meir bevisste på korleis me skal vurdere samansette tekstar noko som kjem godt med i undervisning med elevar. Samspelet mellom musikk, bilete og lyd, relevante bilete/illustrasjonar, og om eleven beherskar det mediet som blir valt er moment som eg vil vere meir bevisste på med tanke på å vurdere elevane i dette (Harboe, 2008:78).






Her er "animasjonsfilmen":

 


______________________________________________________

Harboe (2008): Norskboka. no - Digitale verktøy i norskfaget. Universitetsforlaget, Oslo.

Blogg som digital læringsarena

Dette vårhalvåret har eg fått ansvaret i å undervise 6. og 7. trinn i naturfag ved Åmås friskule. Dette har vore svært lærerikt og utfordrande sidan eg har fått ein del ansvar. Likevel så har desse frie tøylane gjort meg meir bevisst på kva god klasseleiing omhandlar. I tilegg til dette så har eg hatt moglegheita til å kunne prøve ut det eg har lært i DKL og teorien i dette studiet er så absolutt mykje lettare å hugse når ein får smake på det sjølv i praksis.

Dette vårhalvåret har eg valt blogg som digital læringsarena. Eg har oppretta ein fagblogg i naturfag der elevane (men også eg) publiserer det som blir gjort i timane. Elevane får utlevert ei problemstilling som dei må drøfte i gruppa og dermed utføre ein aktivitet. Deretter får dei ulike oppgåver av meg som dei skal svare på skriftleg i blogginnlegget. Dei skal også bruke digital stillbilde kamera som ein form for dokumentasjon av det arbeidet som blir gjort.  

Her er linken til elevgruppa mi: fagblogg i naturfag

Eg tek dette i bruk i undervisninga fordi eg trur det er ei metode for auka læring. Nettstaden blir brukt for å informere, gje beskjedar og tilbakemeldingar. Materiellet blir lagra på nettet og fungerar som pedagogisk dokumentasjon for meg som lærar, men også for elevane.Fordelen med å la elevane vere produsentar for arbeidet er at kvar enkelt lettare kjem fram i undervisninga. Det kan vere lettare for dei å ta kontakt med meg når dei får kommentarar på innlegga sine. Når elevane jobbar på denne måten har alle med seg sin eigen kunnskap frå forskjellige læringsmiljø eller sosiale arena og dei mottek ny kunnskap frå andre gjennom samarbeid, dialog og trening (Karlsen & Wølner, 2006).

_________________________________________________

Karlsen, A.V & T.A Wølner (2006): Den femte grunnleggende ferdighet .Portefølje og digitale mapper - et sted for læring. Gyldendal norsk forlag AS

Kva betyr tilpassa opplæring?

Tilpassa opplæring er eit tema som interesserer meg. Det er eit av dei viktigaste prioriterte områda for kompetanseutvikling og har våre eit sentralt omgrep sidan 1970 talet. I opplæringslova paragraf 1 -3 står det skrive: "Opplærings skal tilpassast evnene og føresetnadane hjå den enkelte eleven, lærlingen og lærekandidaten" (Lovdata, u.å). Det betyr at omgrepet tilpassa opplæring ikkje berre er eit interesse område for meg som individ, men det har også ei politisk side i og med det står oppført i opplæringslova som er læraren si viktigaste styringsdokument. Omgrepet tilpassa opplæring blei i 2008 skilt ut som eigen paragraf, dette for å gjere det tydeleg at prinsippet ikkje var noko mål, men eit verkemiddel for læring.

Tilpassa opplæring handlar om at kvar einskild elev skal få undervisninga tilpassast ut i frå sine føresetnadar og evner. Det er element som psykisk - og fysisk utvikling, interesse, sosial bakgrunn og kulturell samhald ein som lærar skal ta omsyn til (imsen, 2006). Det er eit vidt omgrep, det gjeld all undervisning. Det betyr at både ordinær undervisning og spesialundervisning er ei form for tilpassa opplæring. Ordinærundervisninga gjeld for alle elevar, medan spesialundervisninga gjeld for elevar som har fått sakkyndig vudering og ekstra ressursar vil då bli lagt inn i undervisningsøktene.

Bruk av digitale hjelpemiddel kan då vere med på å redusere bruken av paragrag 5.1. Undervisninga blir meir variert, elevane får sansane sine stimulert, elevgruppa kan bli meir samla når ein til dømes jobbar med nettpbaserte program som google dokumenter, digitale tankeverktøy, blogging,  og wiki.

____________________________________________________

Imsen. G (2006) Lærerens verden - innføring i generell didaktikk. Oslo, universitetsforlaget AS

Lovdata (u.å): Lov om grunnskolen og den vidaregåande opplæringa. Henta 04.03.2012 frå http://www.lovdata.no/all/nl-19980717-061.html

Repstad, K & I.M. Tallaksen (2006): Variert undervisning – meir læring. Lærerens metodebok. Fagbokforlaget

  

Mindomo som kognitiv støtte

Mindomo - Tankeverktøy
Denne linken viser til tankeverktøyet laga i Mindomo. Det er eit nettbassert program som ein kan bruke til å blant anna systimatisere tankar. Når ein utformar det elektroniske tankekartet kan ein bli aktiv konstruktør av sin eigen viten. Det kan støtte oss i tenkearbeidet og vere med på å sjå samanhengar (Mindomo,u.å). Denne linken er eit døme på korleis eg har nytta det då eg laga halvårsplan i naturfag.

Korleis kan dette verktøyet fungere som eit støttande stillas i ein undervisningsprosess?

Tankeverktøyet er effektivt når ein skal ta notatar, idemyldre eller utvikle idear saman med elevane. Det kan også vere med på å tilpasse opplæringa i undervisninga. Læraren kan saman med elevane bygge vidare på eit emne eller betre elevane sitt ordforråd. Læraren fungerar som eit støttande stillas når elevane får sjå det digitale tankeverktøyet på smartboard, tavla ol. og når ein saman med elevane hjelp dei  å bygge vidare på det dei allereie kan frå før. Samstundes så meiner eg at tankeverktøyet kan støtte oppunder elevane sine ulike læringsstilar. Visuelt, når dei ser det oversiktlige tankeverktøyet, og verbalt i forhold til at det blir omdiskutert (Kunnskapsløftet, 2008).

 Tankeverktøyet gir altså betre moglegheiter i undervisninga. Elevane har det tilgjengeleg på nett, dei kan dele det med kvarandre og arbeide vidare med det.

___________________________________________________

Kunnskapsløftet (2008): Kunnskapsløftet - fag og læreplaner i grunnskolen. Pedlex norsk skoleinformasjon, Olso.

Mindomo (u.å) Brainstorming with mindmaps. Henta 20.02.2012 frå http://www.mindomo.com/






 

Fokus

 

Produktmål:
Vi har laga ein film som opnar for refleksjon og samtale omkring det å halde rett fokus i arbeidet i skulekvardagen.

 Denne filmen er laga av meg, Mariann, Helge og Kristian. Filmen handlar om skuleeleven Nils som slit med å halde fokus på skulearbeidet i undervisninga. Gjennom filmen får ein sjå konsekvensar  og utfordringar omkring bruken av digitale verktøy i undervisninga. Dette er ei aktuell utfordring som lett kan oppstå i undervisninga når ein tek i bruk data som digitalt verktøy. Eg trur difor det er viktig at ein sjølv som klasseleiar er bevisste på dette, men også gjer elevane klar på eventuelle utfordringar som kan oppstå i sjølve situasjonen, men også i ettertid.

Til denne filmen blei det laga manus i programmet celtx og storyboard der me teikna handlingane inn i scener og ulike kamerainnstillingar.

Prosjektarbeid

I dette blogginnlegget vil eg prøve å vise korleis ein kan jobbe trinnvis i ein prosess frå tema til produkt. Vi har i det siste arbeida mykje med korleis ein skal kome fram til gode problemstillingar og ei god beskriving av eit produktmål. 



Tema - Problemområdet
Problemstilling – Eit spørsmål som ein skal undersøke.
Avgrensa problemstilling – Problemstillingen må avgrensast og blir meir konkret.
Produktmål – Fortel kva som skal vere resultatet av prosjektarbeidet.

Temaet: digital kompetanse.
Eg ynskjer at elevane skal ta i bruk digitale verktøy i undervisninga som eit middel til å nå kompetansemåla. Eg ynskjer å forbetre deira sin digitale kompetanse. 

Problemstillinga: Vil elevane forbetre sin digitale kompetanse gjennom å bruke digitale verktøy i undervisninga?

Avgrensa problemstiling: Vil elevane forbetre sin digitale kompetanse ved å lage ein podcast?

Produktmål:Ved at elevane lagar ein podcast vil dei kunne forbetre sin digitale kompetanse.

Elevane skapar sine eigne tekster gjennom digitale medier. Når dei lagar ein podcast nyttar dei lydredigeringsprogram og dei får då trening i grunnleggande og avanserte digitale ferdigheiter. Elevane blir også meir bevisste på bruken av opphavsrett dersom dei tek i bruk lydar og musikk i frå andre kjelder. Podcast kan difor fungere som eit middel for å utvikle elevane sin digitale kompetanse.

Temaet valte eg ut i frå øvingsoppgåve 5. i leksjon prosjekt og produkt. I denne oppgåva skulle ein også tenke seg at produktet skulle vere eit medieprodukt innanfor ein av dei tre sjangrane som vi skal jobbe med dette semesteret (lyd, video og avis). Eg følte det var lettare å formulere ei avgrensa problemstilling og kunne forsvare den sidan eg har levert inn ei oppgåva anngåande dette delemnet (lyd).   




_____________________________________________________

Kjelde:

Andersen , E.S & E. Schwencke (2004). Prosjektarbeid - en veiledning for studenter. NKI forlaget

Korleis kan ein som lærar bidra til kritisk innsikt om mediekompetanse?

Kva slags påvirkning har den globale mediekulturen på dei unge i denne tidsalderen og taper den mellommenneskeleg kontakt? Desse spørsmåla er blant anna kommentert av Soilikki Vettenranta i artikkelen «Mot mediedysleksiens tidsalder» og som eg vil jobbe vidare med i dette innlegget. (Vettenranta,  2007:14).

Danninga av mediekultur blir i liten grad teke omsyn til i skulen, den utøvast som oftast individuelt og i fritida og difor kan ein kanskje seie at den digitale kompetanseutviklinga og medieundervisninga blir lite stimulert. Dei unge kan lett flyte i straumen når tilgongen på medieteknologien blir så tilgjengeleg. Dei opplever utallige inntrykk og bilete enkelte aleine, medan andre opplever dette innanfor familie eller vener (Vettenranta, 2007:15).

Kva gjer dette med med oss som menneske? Fører den globale mediekulturen til homogenisering eller blir vi meir bevisste på ulikskap?

Mediekompetanse stiller store krav. Det er ikkje nok å kunne bruke digitale verktøy ein må også ha ei viss innsikt i maktspelet på verdsbasis (Vettenreanta, 2007: 18). Dei unge treng mediekompetanse for å kunne få innsikt og forstå den fleirkulturelle verda, men også for å kunne opptre som aktive samfunnsborgera.  Eit overordna mål i undervisninga med mediekompetanse vil vere å utvikle elevane si sjølvinnsikt  slik at dei forstår kva som må til for å kunne arbeide for ei meir rettferdig verd (Vettenranta, 2007:31). Derfor er det viktig at ein som lærar bidreg til at dei utviklar sjølvkritisk og kulturkristisk holdning til mediekulturen (Vettenranta, 2007:14). Bodskapen i medieteknologien bør drøftast i fellesskap der elevane får støtte, grenser, beskyttelse og kjærleik. Omgrepa fellesskap, samarbeid og aktivt borgarskap står dermed sentralt i denne samanhengen. Vi vil på denne måten gjere elevane meir førebudde til å kunne foreta eigne kritiske val.

Læring blir dermed ikkje berre eit spørsmål om formidling av kunnskap, men også om å skape nye læringsmiljø der ein nyttar ulike måtar for å skaffe seg denne informasjonen.


Kjelde

Soilikki Vettenranta (2007):  Mediedanning og mediepedagogikk. Gyldendahl Akademisk, Oslo

Wikispaces

 
På første samling i DKL emne 102 arbeida me med temaet sosiale media. I gruppe fekk me i oppgåve å opprette ein wiki der me skulle utdjupe tre forskjellige nettsamfunn og grunngje kvifor desse egnar seg i læringsarbeidet for både elevar og pedagogar.

Link til oppgåva:
http://fredagdkl.wikispaces.com/

Nettsamfunn - Den uformelle læreprosessen

Korleis kan me som lærarar ta i bruk sosiale nettsamfunn slik at det gir meirverdi i læringsarbeidet? Undersøkingar viser at dagens ungdommar er storbrukarar av sosiale nettsamfunn, men at det i liten grad blir gjenspegla i undervisninga (Søby, 2008). Dette må endrast.

Sosiale medium gir moglegheiter. Fordelane med sosiale medium er at ein globalt kan dele tankar og interesse med kvarandre (Richardson, 2010:85-86). Ein kan også velje om ein vil dele informasjonen med mange samtidig, på denne måten kan ein dermed legge til rette for både lærar – og elevvurdering. Gjennom å innhente meir informasjon for forskjellige kanalar vil den proksimale utviklingssona utvida og læring oppstår (Woolfolk, 2004). 

Nettsamfunnet Facebook kan på mange måtar fungere som eit samlingspunkt for elevane. Her kan ein til dømes opprette ei gruppe for klassa der diverse informasjon blir gitt. Både lærar og elev kan legge ut skulerelevante bilete eller videoar og kommentere dette. Her vil eg påpeike viktigheita av at læraren er tydeleg på kva elevrolla inneberer og kva som blir forventa av dei. Dette vil blant anna vere ein av mange utfordringar omkring det å ta i bruk sosiale medium i skulen. 

Likevel så trur eg at dersom ein aktivt tek i bruk det nettsamfunnet som elevane er tilhengar av kan ein skape eit rom for alle. Elevar som har vanskar med å uttrykke seg munnleg kan her uttrykke seg skriftleg. Elevar med lese – og skrivevanskar kan også føle tilhørigheita i gruppa når deira sine sjølvlaga videoar eller bilete blir lagt ut. Nettsamfunnet kan også vere ein banebrytar for elevar med talevegring.
   
Kjelder


Morten Søby (2008):Delingskultur, sosial web og læring. Henta 27.01.2012 frå
http://www.idunn.no/ts/dk/2008/03/delingskultur_sosial_web_og_lering
 

Richardson, Will (2010): Blogs, Wikis,Podcasts and other powerful web tools for classrooms. California Corwin Press.

Woolfolk, A (2004): Pedagogisk psykologi Tapir akademisk forlag